„მილანის“ მთავარმა მწვრთნელმა სტეფანო პიოლიმ „ინტერთან“ გამარჯვების შემდეგ კომენტარი გააკეთა. როგორც იტალიელმა სპეციალისტმა აღნიშნა, მის აქვს სითამამე და არავის ეშინია.

"ვიცით, რომ ჯერ კიდევ ბევრია გასაკეთებელი. ვუთხარი ფეხბურთელებს, რომ უნდა შევინარჩუნოთ საკუთარი თავის რწმენა, რადგან მათთვის, ვისაც არ სჯერა, მხოლოდ გადაულახავი დაბრკოლებები იქნება. დავამარცხეთ სერია A-ს საუკეთესო გუნდი, მოქმედი ჩემპიონი და ლიდერი. მართალია, „ინტერმა“ პირველ ტაიმში უკეთ ითამაშა, მაგრამ ჩემს გუნდს აქვს გამბედაობა და არავის ეშინია.

ჟირუსა და სხვა მოთამაშეების გაფორმება, რომლებმაც იციან რას ნიშნავს გამარჯვება, როგორიცაა ზლატანი, კიაერი, ჟირუ, მენიანი, ზრდის სიმწიფის, გამოცდილების და ცოდნის დონეს. ეს არის მნიშვნელოვანი გაკვეთილები, რომლებსაც ახალგაზრდა მოთამაშეები ყოველდღე სწავლობენ“, - თქვა პიოლიმ.

შეგახსენებთ, „მილანი“ სერია A-ს სატურნირო ცხრილში 24 ტურის შემდეგ მეორე ადგილზეა და ლიდერ „ინტერს“ 1 ქულით ჩამორჩება, მაგრამ კონკურენტთან შედარებით თამაშით მეტი აქვს ჩატარებული.