მიუნხენის „ბაიერნის“ თავდამსხმელმა რობერტ ლევანდოვსკიმ „დორტმუნდის“ ფეხბურთელის, ერლინგ ჰოლანდის შესახებ ისაუბრა. პოლონელმა ვარსკვლავმა აღნიშნა, რომ ჰოლანდის თამაშის ყურება სასიამოვნოა, მაგრამ ახალგაზრდულ ასაკში ნაჩვენები თამაში იმის გარანტია არ არის, რომ მომავალშიც ვარსკვლავი იქნება.

„ჰოლანდი ჩემგან განსხვავებული ფეხბურთელია, უფრო ძლიერია, მეტი ძალა აქვს და ფიზიკურადაც განვითარებულია. ეს არის მისი მთავარი თვისებები და ჩვენ განსხვავებული მახასიათებლები გვაქვს. ვერ ვიწინასწარმეტყველებ როგორ განვითარდება მისი კარიერა. თუ ვინმეს უზარმაზარი პოტენციალი აქვს, არ ნიშნავს, რომ ის ყოველთვის ვარსკვლავი იქნება. არ მიყვარს 33 წლის ფეხბურთელის 21 წლის მოთამაშესთან შედარება, ყველას თავისი გზა აქვს. რა თქმა უნდა, ჰოლანდი შესანიშნავი ფეხბურთელია, რომლის ყურება სასიამოვნოა“

შეგახსენებთ, რომ ერლინგ ჰოლანდი „დორტმუნდში“ 2020 წლიდან თამაშობს, ხოლო ლევანდოვსკი „ყვითლების“ ღირსებას 2010-2014 წლებში იცავდა, მერე კი თავისუფალი აგენტის სტატუსით მიუნხენის „ბაიერნს“ შეუერთდა.