საფრანგეთის ნაკრებისა და „პარი სენ ჟერმენის“ ფეხბურთელი კილიან მბაპე მადრიდის „რეალს“ კონტრაქტზე შეუთანხმდა.

Bild-ის ინფორმაციით, მბაპე „სამეფო კლუბს“ ზაფხულში შეუერთდება, ტრანსფერს მხარეები ჩემპიონთა ლიგის მერვედფინალის შემდეგ ოფიციალურად გამოაცხადებენ რომელშიც ისინი ერთმანეთს ხვდებიან.

კილიან „რეალში“ სეზონში ხელფასის სახით დაახლოებით 50 მილიონ ევროს მიიღებს. ის კლუბს თავისუფალი აგენტის სტატუსით შეუერთდება, რადგან პსჟ-სთან კონტრაქტი 30 ივნისს ეწურება.

შეგახსენებთ, რომ კილიან მბაპე პარიზული გუნდის ღირსებას 2017 წლიდან იცავს, მიმდინარე სეზონში მან 28 მატჩი ჩაატარა, 19 გოლი გაიტანა და 13 საგოლე პასი გააკეთა.