შოთა არველაძეს შესანიშნავი დებიუტი გამოუვიდა „ჰალ სიტის“ მთავარი მწვრთნელის პოსტზე. მისმა გუნდმა შაბათს ინგლსის ჩემპიონშიფში უელსური „სუონსი“ 2:0 დაამარცხა.

The Guardian-ის ჟურნალისტი, ლუის ტეილორი წერს: „არველაძის გუნდი გაცილებით სჯობდა მეტოქეს პირველ ტაიმში. ტრიბუნებზე წაიმღერებდნენ ხოლმე: შოთა, შოთა, მოგვეცი ტალღა!“ 13 101 თვითმხილველისთვის ეს ალბათ „ვეფხვების“ სეზონის საუკეთესო წარმოდგენა იყო.

თუმცა, მეორე ტაიმში სტუმრებმა იძალეს, ორჯერ მოარტყეს ბურთი ძელს და ერთხელაც გოლი არ ჩაუთვალეს, თამაშგარე მდგომარეობის გამო.“

ქართველმა სპეციალისტმა შემდეგ თქვა: „ემოციები მომეძალა. თამაშის სცენარის დაწერა რომ შემეძლოს, სწორედ ასე დავწერდი. ბიჭებმა მტკიცე ხასიათი და დისციპლინა გამოავლინეს.

შეტევის პოტენციალიც დავინახე პირველ ტაიმში. მეორეში კი თავი კარგად დავიცავით.

მეტოქეც უნდა შევაქო. შესვენების შემდეგ მათ ტაქტიკა შეცვალეს და პრობლემები შეგვიქმნეს. მოთამაშეებთან მხოლოდ ერთი დღე ვიურთიერთე, ამიტომ ამ მოკლე დროში ძნელია რაიმე გააკეთო ან დაინახო. მაგრამ მჯერა, ასევე გავაგრძელებთ და მომდევნო შეხვედრებში კიდევ გავაუმჯობესებთ თამაშს. ძალიან მიხარია, ასეთი ფეხბურთელების ჯგუფი რომ მყავს.“ - ციტირებს არველაძის სიტყვებს BT Sport.