„ტოტენჰემს“ იტალიური „იუვენტუსის“ ნახევარმცველის, როდრიგო ბენტანკურის შეძენა სურს და მის აგენტებთან უკვე მართავს მოლაპარაკებებს. ტურინელები ურუგვაელის გაყიდვის წინააღმდეგნი არ არიან - გვამცნობს ტვიტერში ჟურნალისტი ნიკოლო სკირა.

24 წლის ბენტანკური „იუვენტუსში“ 2017 წელს გადავიდა არგენტინული „ბოკა ხუნიორსიდან“ 15,7 მილიონ ევროდ. სერია A-ს მიმდინარე სეზონში მან 19 მატჩი ჩაატარა და ორი საგოლე გადაცემით გამოირჩა.