ფეხბურთი

23:58 | 20.01.2022 | ნანახია [] - ჯერ

"თელავს" ახალი მთავარი მწვრთნელი ჰყავს

საფეხბურთო კლუბ „თელავს“ გიორგი ჭელიძე გაწვრთნის. ამის შესახებ კახური გუნდის ვებგვერდი იტყობინება.

35 წლის სპეციალისტის სამწვრთნელო კარიერა 2016 წელს „შევარდენში“ დაიწყო, შემდეგ კი ტყიბულის „მეშახტეს“, ქობულეთის „შუქურასა“ და „საბურთალო 2-ს“ წვრთნიდა. „თელავში“ მისი ასისტენტები ლევან ხომერიკი და თამაზ ოდიკაძე იქნებიან.

გიორგი ჭელიძეს საკმაოდ კარგი საფეხბურთო კარიერა ჰქონდა და თბილისის "მერანი-91-ს", თბილისის "ოლიმპის", "თბილისის", ბათუმის "დინამოს", მოსკოვის "ლოკომოტივის", ლუგანსკის "ზორიას", ბოლნისის "სიონის", "ზესტაფონი", რუსთავის "მეტალურგის", ბაქოს "ნეფთჩის", თურქეთის "სამსუნსფორის", ისრაელის "სექციასა“ და თბილისის "ლოკომოტივის“ ღირსებას იცავდა.

0.113487