NBA-ს განვითარების ლიგაში (G ლიგა) გიორგი ბეჟანიშვილის „გრანდ რაპიდს გოლდი“ „დელავარე ბლუ ქოათს“ ესტუმრა და დაძაბულ ბრძოლაში 111:115 დამარცხდა.

ბოლო პერიოდისგან განსხვავებით, ამჯერად ქართველმა კალათბურთელმა მხოლოდ 8 წუთი ითამაშა და საკუთარ გუნდს 4 ქულით და 2 მოხსნით დაეხმარა, გიორგიმ 2-დან 2 ორქულიანი ჩააგდო, სხვა შემთხვევაში კი ბურთი კალათისკენ არ უსვრია.

„გრანდ რაპიდს გოლდმა“ რეგულარულ სეზონში მიჯრით სამი მოგების შემდეგ ზედიზედ მეორედ წააგო და აღმოსავლეთ კონფერენციაში მეხუთე ადგილზე დაქვეითდა, მომდევნო შეხვედრას კი 17 იანვარს, იმავე „დელავარე ბლუ ქოათსთან“ ისევ სტუმრად გამართავს.