ნოვაკ ჯოკოვიჩი ავსტრალიის ღია პირველობაზე ვერ ითამაშებს. ავსტრალიის სასამართლოს საბოლოო გადაწყვეტილება ცნობილი გახდა და სერბს დეპორტაცია გამოუწერეს.

ჩოგბურთელის ადვოკატების შუამდგომლობა სასამართლომ არ დააკმაყოფილა და ნოვაკმა საქმე წააგო. ამრიგად, მან ავსტრალიის ვიზა, რომელიც ბოლოს ემიგრაციის მინისტრა გაუუქმა, ვერ აიღო. უახლოეს მომავალში მსოფლიოს პირველი ჩოგანი ავსტრალიიდან დეპორტირებული იქნება.

შეგახსენებთ, ნოვაკ ჯოკოვიჩი ავსტრალიის ღია პირველობის 9-გზის ჩემპიონია და დიდი სლემის 20 ტიტული აქვს მოგებული. მას ერთადერთი სლემი აშორებს როჯერ ფედერერისა და რაფაელ ნადალის გადასასწრებლად, თუმცა, ამის გაკეთებას ავსტრალიაში ნამდვილად ვერ შეძლებს.

AUS Open-ი სტარტს 17 იანვარს აიღებს. ჯოკოვიჩი ტურნირზე პირველ ნომრად იყო განთესილი, მაგრამ ცხადია, ახლა ტურნირის ორგანიზატორებს მისი ჩანაცვლება მოუწევთ.

აქვე გეტყვით, რომ ნიკოლოზ ბასილაშვილი ავსტრალიის ღია პირველობის პირველ წრეში ბრიტანელ ენდი მარის დაუპირისპირდება.