„პარი სენ-ჟერმენის“ დიდვარსკვლავი, ლიონელ მესი, სავარაუდოდ „ბრესტთან“ ფრანგული ლიგა 1-ის 21-ე ტურის მატჩსაც გამოტოვებს - გვამცნობს Le Parisien.
წყაროს ინფორმაციით, 12 იანვარს არგენტინელი კვლავ ინდივიდუალური პროგრამით ვარჯიშობდა. მას არც წინა ტურის შეხვედრაში უთამაშია „ლიონის“ წინააღმდეგ, რადგან გადატანილი კორონავირუსის შემდეგ, აღდგენით პროცესს გადის.
სამაგიროდ საერთო ჯგუფში დაბრუნდნენ ასევე ნაკორონევი ჯანლუიჯი დონარუმა, ანხელ დი მარია, დანილუ პერეირა და იულიან დრაქსლერი.
პსჟ-სა და „ბრესტის“ შეხვედრა 15 იანვარს გაიმართება პარიზში და თბილისის დროით ღამის 12 საათზე დაიწყება.
