ქართველმა კალათბურთელმა გიორგი ბეჟანიშვილმა NBA-ს განვითარების ლიგაში მორიგი შედეგიანი მატჩი ჩაატარა. მისმა "გრანდ რაპიდს გოლდმა" "ვესტჩესტერ ნიქსი" 14-ქულიანი სხვაობით - 110:96 დაამარცხა, რაშიც საკმაოდ მნიშვნელოვანი წვლილი გიორგიმ შეიტანა.

ბეჟანიშვილმა 29 წუთში 17 ქულა, 9 მოხსნა, 1 ჩაჭრა და 3 დაფარება მიითვალა, ამრიგად, ორმაგ დუბლამდე ერთადერთი მოხსნა დააკლდა. ქართველმა კალათბურთელმა 12-დან 6 ორქულიანი, 5-დან 1 სამქულიანი და 3-დან 2 საჯარიმო ჩააგდო. აღსანიშნავია, რომ ბეჟანიშვილი 17 ქულით თავისი გუნდის რიგებში ყველაზე შედეგიანი იყო და მოხსნების რაოდენობითაც ყველას აჯობა.

„გრანდ რაპიდს გოლდი“ აღმოსავლეთ კონფერენციაში 2 გამარჯვებით ლიდერია, მომდევნო შეხვედრას კი 9 იანვარს, საკუთარ მოედანზე „კლივლენდ ჩეირჯთან“ გამართავს.