ფეხბურთი

17:15 | 4.01.2022 | ნანახია [] - ჯერ

"რეალი" ან "ბარსელონა" - ჰოლანდი არჩევანს მალე გააკეთებს

დორტმუნდის „ბორუსიას“ თავდამსხმელი ერლინგ ჰოლანდი ზაფხულში კარიერას დიდი ალბათობით, ესპანეთის ლა ლიგაში გააგრძელებს.

Marca-ს ინფორმაციით, ნორვეგიელი ფეხბურთელი უახლოეს მომავალში გააკეთებს არჩევანს - „ბარსელონაში“ გადავიდეს თუ „რეალში“. წყაროს თანახმად, ჰოლანდს სწორედ ეს ორი ვარიანტი აქვს და არჩევანი უნდა გააკეთოს.

აღსანიშნავია, რომ რამდენიმე დღის წინ ნორვეგიელმა ერთ-ერთ გულშემატკივარს უთხრა, რომ მომდევნო სეზონში ესპანეთში ითამაშებდა. „სამეფო კლუბისა“ და „ბლაუგრანას“ ინტერესის შესახებ კი დიდი ხანია ისედაც ცნობილია.

შეგახსენებთ, რომ ერლინგ ჰოლანდმა „დორტმუნდში“ 2020 წლიდან დღემდე 74 მატჩში 75 გოლის გატანა მოახერხა. ზაფხულში მისი გამოსასყიდი თანხა 75 მილიონ ევროს შეადგენს.

0.114893