ლონდონის „ჩელსის“ თავდამსხმელ რომელუ ლუკაკუსთვის მიმდინარე სეზონის პირველი ნაწილი არცთუ ისე წარმატებული გამოვიდა და ბელგიელმა ფორვარდმა თავისი მაქსიმუმი ვერ გამოავლინა.

მან „ასტონ ვილასთან“ გოლი გაიტანა და ეს პირველი გოლი იყო მისთვის პრემიერლიგაში 11 სექტემბრის შემდეგ. როგორც რომელუმ აღნიშნა, ტომას ტუხელმა უფრო ნათლად უნდა აუხსნას, როგორ სურს მისი გამოყენება და რას ითხოვს მისგან.

„ჩვენ რამდენჯერმე ვილაპარაკეთ, რათა გავიგო რას ითხოვს მოედანზე ჩემგან, უნდა ამიხსნას, როგორ სურს ჩემი გამოყენება. შემიძლია ყველაფრის გაკეთება, რასაც ჩემგან ითხოვს. შემიძლია სირბილი, პრესინგი, ბურთის მაღლა შენარჩუნება. ეს არის თვისებები, რაც წლების განმავლობაში შევიძინე“, - აღნიშნა ლუკაკუმ.

შეგახსენებთ, მიმდინარე სეზონში რომელუ ლუკაკუმ „ჩელსის“ მაისურით ყველა ტურნირზე 17 მატჩი ჩაატარა და მხოლოდ 6 გოლის გატანა შეძლო.