28 დეკემბერს, პრემიერლიგის მე-20 ტურში, „ლესტერთან“ დამარცხების შემდეგ (0:1), „ლივერპულის მცველმა, ვირჯილ ვან დეიკმა, ჟურნალისტებს თავისი აზრი გაუზიარა.

„ვფიქრობ, მათ დამსახურებულად გაიმარჯვეს, თუმცა ეს ჩვენზეც იყო დამოკიდებული. „ლესტერი“ თავს კარგად იცავდა, ჩვენ კი საკუთარი თამაში ვერ ვაჩვენეთ. მათ ბევრი სახიფათო მომენტი არ შეუქმნიათ, თუმცა ძალიან სახიფათოები იყვენენ.

რა გაეწყობა, დასკვნები უნდა გამოვიტანოთ და წინ სვლა გავაგრძელოთ. ეს ფეხბურთის ნაწილია. გვქონდა მომენტები, მაგრამ იღბალმა ამჯერად ზურგი გვაქცია. ცხადია, პენალტის ვერგატანაც ძალიან გულდასაწყვეტი იყო.“ - ციტირებს ნიდერლანდელი ფეხბურთელის სიტყვებს Daily Mail.

18 მატჩის შემდეგ 41 ქულით „ლივერპული“ პრემიერლიგის ცხრილში მეორე ადგილზეა, თუმცა ლიდერ „მანჩესტერ სიტის“ უკვე ექვსი პუნქტით ჩამორჩა.