„ალავესმა“ მთავარი მწვრთნელის პოსტზე სეზონის ბოლომდე ხოსე ლუის მენდილიბარი დანიშნა.
60 წლის ბასკმა სპეციალისტმა ამ თანამდებობაზე ხავიერ კალიეხა შეცვალა, რომელიც კლუბიდან ოფიციალურად 28 დეკემბერს გაათავისუფლეს.
მენდილიბარი ექვს წელიწადს წვრთნიდა „ეიბარს.“ ასევე მუშაობდა „ლევანტესა“ და „ოსასუნაში.“
„ალავესი“ ესპანეთის ჩემპიონატში 18 ტურის შემდეგ, 15ქულით ცხრილში ბოლოდან მესამე ადგილზეა.
