„ბარსელონას“ ოფიციალურ მაღაზიაში ისევ შეგიძლიათ შეიძინოთ გუნდის ყოფილ დიდვარსკვლავ ლიონელ მესისთან დაკავშირებული ნივთები - გვამცნობს AS.

წყაროს ინფორმაციით, ახლაც შესაძლებელია ფორმის ყიდვა, რომელსაც 34 წლის არგენტინელი გენიოსის ორიგინალური ავტოგრაფი ამშვენებს. მაისურა 1170 ევრო ღირს. 643,5 ევროდ კი კაპიტნის სამკლავური შეიძლება ირგუნოთ, ასევე მესის ხელმოწერით.

გასულ ზაფხულს, ფინანსური კრიზისის გამო, „ბარსელონამ“ მესის კონტრაქტი ვერ გაუგრძელა და არგენტინელი თავისუფალი აგენტის სტატუსით „პარი სენ-ჟერმენში“ გადავიდა.