უეფას პრეზიდენტმა ალექსანდერ ჩეფერინმა განაცხადა, რომ 2021 წელს უეფამ ყველაზე დიდი გამარჯვება სუპერლიგის წინააღმდეგ მოიპოვა.
„სუპერლიგის პროექტის ჩაშლა 2021 წელს ჩვენი ყველაზე დიდი გამარჯვება იყო. დახურული სუპერლიგის შექმნის მცდელობამ, რომლის მიზანი მხოლოდ რამდენიმე კლუბის საბანკო ანგარიშების შევსება იყო, საფრთხე შეუქმნა ევროპული ფეხბურთის არსებულ ღირებულებებს“, - თქვა ჩეფერინმა.
შეგახსენებთ, რომ ევროპის სუპერლიგის პროექტი მხოლოდ ერთი დღის განმავლობაში გაგრძელდა, შემდეგ კი მასზე უარი კლუბების უმეტესობამ განაცხადა. დღემდე, სუპერლიგას მხარს ღიად მხოლოდ „რეალი“, „ბარსელონა“ და „იუვენტუსი“ უჭერენ.
