მადრიდის „რეალის“ ფეხბურთელებს, დავიდ ალაბასა და ისკოს კორონავირუსი დაუდასტურდათ. ამის შესახებ „სამეფო კლუბის“ ვებგვერდი იტყობინება.

შესაბამისად, ავსტრიელი მცველი და ესპანელი შემტევი მადრიდულ გრანდს წლის ბოლო მატჩში, „ბილბაოს“ წინააღმდეგ ვერ დაეხმარებიან. ეს არ არის პირველი შემთხვევა ბოლო დღეებში, როცა „რეალის“ ფეხბურთელებს კორონავირუსი აღმოაჩნდათ.

ლუკა მოდრიჩი, გარეთ ბეილი, ანდრეი ლუნინი, მარკო ასენსიო, მარსელო, როდრიგო და დავიდე ანჩელოტი (კარლო ანჩელოტის შვილი და ასისტენტი) ინფიცირებული არიან.

შეგახსენებთ, რომ მადრიდის „რეალი“ 2021 წელს ბოლო შეხვედრას „ბილბაოსთან“ გამართავს და შემდეგ ლა ლიგაში საშობაო პაუზა დაიწყება.