გუშინ, 20 დეკემბერს, კილიან მბაპე 23 წლის გახდა. ფეხბურთელმა ინსტაგრამში რამდენიმე ფოტო გამოაქვეყნა. ერთ-ერთში ის საზეიმო ტორტთანაა გადაღებული, რომელიც მასზე მაღალია.

კილიანმა უამრავი მილოცვა მიიღო, მათ შორის ლეგენდარული პელესგან. ბრაზილიელი ამჟამად სან-პაულუს კლინიკაში მკურნალობს.

შეგახსენებთ, რომ მბაპე „პარი-სენ-ჟერმენში“ 2017 წლის ზაფხულში გადავიდა „მონაკოდან.“ კლუბთან არსებულ მის კონტრაქტს კი ვადა მიმდინარე სეზონის ბოლოს ეწურება.