ფეხბურთი

22:15 | 20.12.2021 | ნანახია [] - ჯერ

ლეონარდო იბრაჰიმოვიჩს: "ეს გამაღიზიანებელია, მაგრამ დუმილი საუკეთესო პასუხია"

„პარი სენ ჟერმენის“ სპორტულმა დირექტორმა ლეონარდომ ზლატან იბრაჰიმოვიჩს უპასუხა. შვედმა განაცხადა, რომ მას პარიზული კლუბის სპორტული დირექტორობა სურს, რაც ლეონარდოს არ მოეწონა.

„ეს გამაღიზიანებელია, მაგრამ არაფერს ცვლის. 52 წლის ვარ, შემიძლია წაკითხვა და ზლატანის ზრახვების გაგება. მას კარგად ვიცნობ და არ ვარ ის ადამიანი, ვინც პასუხის გასაცემად მედიაში მიდის. არ მინდა მას ვუპასუხო, დუმილი საუკეთესო პასუხია“, - თქვა ლეონარდომ.

შეგახსენებთ, რომ ზლატან იბრაჰიმოვიჩმა ახალ ავტობიოგრაფიულ წიგნში დაწერა, რომ „პარი სენ ჟერმენის“ პრეზიდენტ ნასე ალ-ხელაიფს საკუთარი თავი კლუბის სპორტული დირექტორის პოსტზე შესთავაზა:

„2021 წლის ზაფხულში პსჟ-ს ჩემი თავი შევთავაზე, მაგრამ არა როგორც ფეხბურთელი, არამედ, როგორც სპორტული დირექტორი. დავურეკე პრეზიდენტ ნასერ ალ-ხელაიფის და ვკითხე: „თუ „მილანთან“ კონტრაქტს არ განვაახლებ, პსჟ-ში მოვალ და თქვენს გუნდში წესრიგს აღვადგენ“, - წერს იბრა.

ლეონარდომაც ამ განცხადებას უპასუხა, რადგან პარიზელთა სპორტული დირექტორი ამჟამად სწორედ ბრაზილიელია. შეგახსენებთ, რომ ზლატან იბრაჰიმოვიჩი პსჟ-ში 2012-2016 წლებში თამაშობდა.

0.161312