„ლივერპულის“ მთავარმა მწვრთნელმა იურგენ კლოპმა ინგლისის პრემიერლიგის კალენდარს აუტანელი უწოდა. გერმანელი სპეციალისტის განცხადებით, ასეთი გრაფიკით თამაში შეუძლებელია.

„ჩვენ ვთამაშობთ ოთხშაბათს, კვირას და სამშაბათს. ეს შეუძლებელია, ამდენი ფეხბურთელი არ გვყავს. შესაძლოა, გუნდში კორონავირუსის შემთხვევებიც დაფიქსირდეს. ამაზე უნდა ვიფიქროთ, უბრალოდ არ შეიძლება ამის დავიწყება. არარეალურია 26 და 28 დეკემბერს თამაში, გვინდა ვითამაშოთ, მაგრამ დახმარება გვჭირდება, ასეთ რეჟიმში ვერ ვითამაშებთ.

არ ვარ წინააღმდეგი მატჩების ჩატარების, ვიცი, რომ პრობლემაა შემდეგ ამ მატჩების ჩატარებისთვის თარიღის გამოძებნა. კალენდარი კორონავირუსის გავრცელებამდე რთული იყო, ახლა კი უბრალოდ აუტანელია“, - თქვა კლოპმა.

შეგახსენებთ, რომ „ლივერპული“ პრემიერლიგაში 18 ტურის შემდეგ 40 ქულით მეორე ადგილზეა და ლიდერ „მანჩესტერ სიტის“ სამი ქულით ჩამორჩება.