„ლივერპულის“ მთავარმა მწვრთნელმა იურგენ კლოპმა მოჰამედ სალაჰის ახალი კონტრაქტის შესახებ კომენტარი გააკეთა. როგორც გერმანელმა სპეციალისტმა აღნიშნა, მოლაპარაკებები კარგად მიმდინარეობს.

„მოლაპარაკებები ძალიან კარგად მიმდინარეობს, სულ ესაა. თუმცა, ვერ გეტყვით, შეთანხმება როდის შედგება. მინდა, რომ მოლაპარაკებები წარმატებით დასრულდეს, მაგრამ როდის მოხდება? ეს აღარ ვიცი“, - თქვა კლოპმა.

შეგახსენებთ, მოჰამედ სალაჰს „ლივერპულთან“ კონტრაქტი 2023 წლის ზაფხულში ეწურება. ის ინგლისურ გრანდს 2017 წელს „რომადან“ შეუერთდა, მიმდინარე სეზონში კი პრემიერლიგაში ჩატარებულ 17 მატჩში 15 გოლი გაიტანა და 9 საგოლე პასი გააკეთა.