მადრიდის „რეალის“ მთავარმა მწვრთნელმა კარლო ანჩელოტიმ თქვა, რომ „ბარსელონას“ განვითარების პოტენციალი აქვს, მაგრამ ამ დროისთვის კატალონიელები მადრიდელთა კონკურენტები არ არიან.

„ამჟამად „ბარსელონა“ ესპანეთის ჩემპიონატში ჩვენი პორდაპირი კონკურენტი არ არის, რადგან სხვა გუნდები ჩვენთან უფრო ახლოს არიან. თუმცა, „ბარსას“ აქვს ზრდის პოტენციალი და მათი მწვრთნელი რომ ვიყო, იგივეს ვიტყოდი“, - თქვა ანჩელოტიმ.

შეგახსენებთ, რომ „რეალი“ ლა ლიგას 42 ქულით ლიდერობს, ხოლო „ბარსელონას“ 24 ქულა აქვს და მერვე ადგილზეა. შესაბამისად, „სამეფლო კლუბი“ „ბლაუგრანას“ ამ ეტაპზე 18 ქულით უსწრებს, თუმცა თამაშით მეტი აქვს ჩატარებული.