ფეხბურთი

21:38 | 14.12.2021 | ნანახია [] - ჯერ

ჩავი: "წილისყრაში არ გაგვიმართლა, მაგრამ ევროპა ლიგის მოგება უნდა ვცადოთ"

„ბარსელონას“ მთავარმა მწვრთნელმა ჩავიმ ევროპა ლიგის წილისყრის შესახებ კომენტარი გააკეთა, რომლის 1/16 ფინალში ესპანური გრანდი იტალიურ „ნაპოლის“ დაუპირისპირდება.

„წილისყრაში არ გაგვიმართლა, თუმცა ეს შეხვედრა მარადონასთვის კიდევ ერთხელ პატივის მიგების შესაძლებლობაა. უმაღლეს დონეზე თამაში მოგვიწევს, რადგან „ნაპოლი“ ჩემპიონთა ლიგის დონის გუნდია.

თუმცა, მატჩამდე ორი თვე რჩება და იმედი მაქვს, რომ იმ დროისთვის საუკეთესო მდგომარეობაში ვიქნებით. ვმუშაობთ იმისთვის, რომ „ბარსა“ დავაბრუნოთ იმ დონეზე, რომელსაც იმსახურებს. თუმცა, ახლა ჩვენთვის მძიმე რეალობაა. უნდა ვცადოთ ევროპა ლიგის მოგება, რაღა ჩემპიონთა ლიგაზე დავბრუნდეთ“, - თქვა ჩავიმ.

შეგახსენებთ, რომ „ბარსელონა“ „ნაპოლის“ 17 თებერვალს უმასპინძლებს, საპასუხო მატჩი კი ნეაპოლში 24 თებერვალს გაიმართება.

0.115293