საფრანგეთის ნაკრების ყოფილმა ვარსკვლავმა, ტიერი ანრიმ, „პარი სენ-ჟერმენის“ ხელმძღვანელობა გააკრიტიკა თავდამსხმელ კილიან მბაპეს მომავალთან დამოკიდებულების გამო.
„კლუბს ეს პრობლემა ორი წლის წინათ უნდა მოეგვარებინა. დამსხდარიყვნენ და ეთქვათ კილიანისთვის: ეს შენი გუნდი იქნება და შემადგენლობას შენს გარშემო ავაწყობთო.
მაგრამ ახლა ყველაფერი ფეხბურთელის ხელშია და სადაც უნდა, წავა.“ - ციტირებს ანრის სიტყვებს ესპანური Marca.
გასულ ზაფხულს მბაპეს გადაბირებას მადრიდის „რეალი“ ცდილობდა, მაგრამ მოლაპარაკება ვერ მოხერხდა. პარიზულ კლუბთან მის კონტრაქტს კი ვადა 2022 წლის ზაფხულში ეწურება.
