კიუშუ ბაშოს მე-13 საშეჯიბრო დღეს მე-5 გამარჯვება მოიპოვა ლევან გორგაძემ. ქართველმა სუმოისტმა მე-10 მაეგაშირა ჩიიოტარიუ ჰატაკიკომის ილეთით დაამარცხა და ელიტაში შესანარჩუნებლად მორიგი ნაბიჯი გადადგა.

ტოჩინოშინმა მეტოქეს შანსი არ დაუტოვა და შერკინების დაწყებისთანავე დიდი უპირატესობა მოიპოვა, საბოლოოდ კი ის დოჰიოზე სახით დასცა. ეს წყვილის მე-14 დაპირისპირება იყო. ურთიერთშეხვედრებში ჩვენებურს დიდი უპირატესობა აქვს - 10 მოგება და 4 მარცხი.

ტოჩის მიმდინარე ბაშოზე 5 მოგების წილ ამდენივე მარცხი დაუგროვდა და იმისათვის, რომ ელიტაში ადგილი შეინარჩუნოს, დარჩენილი 2 ორთაბრძოლიდან მინიმუმ 1 გამარჯვება სჭირდება. მისი მომდევნო მეტოქე კი მე-11 მაეგაშირა კოტონოვაკა იქნება, რომელსაც აქამდე 4-ჯერ შეხვედრია და სრული თანაფარდობაა - 2 მოგება და 2 მარცხი.