კატალონიის „ბარსელონას“ ფეხბურთელმა სერხიო აგუერომ გულის არითმიის გამო შესაძლოა კარიერა დაასრულოს. ინფორმაციას ესპანური მედია ავრცელებს.

როგორც ცნობილი გახდა, მომავალ კვირაში აგუერო პრესკონფერენციას გამართავს და იქ გააკეთებს განცხადებას, დაასრულებს თუ გააგრძელებს კარიერას. ამ დროისთვის არსებული ინფორმაციით, კუნი მინიმუმ სამი თვე იუქმებს, მაგრამ როგორც ჩანს, ვითარება უფრო სერიოზულადაა.

Marca-ს ინფორმაციით, არგენტინელი ფეხბურთელი ექიმებთან შეთანხმების კარიერის დასრულებაზე სერიოზულად ფიქრობს.

შეგახსენებთ, აგუერომ ბოლოს 30 ოქტომბერს, „ალავესთან“ მატჩში ითამაშა და შეცვლა მოითხოვა, მერე კი გულის არითმია დაუდგინდა. მიმდინარე სეზონში სამხრეთამერიკელმა 5 მატჩი ჩაატარა და 1 გოლი გაიტანა.