ინგლისის პრემიერლიგა და ამერიკული სამაუწყებლო კომპანია NBC Universal-ი ახალ ხელშეკრულებაზე შეთანხმდნენ. როგორც BBC-ი იუწყება, ახალი კონტრაქტის მიხედვით ამერიკული კომპანია ინგლისის ჩემპიონატის მატჩებს ტრანსლირებას კიდევ ექვსი სეზონის განმავლობაში 2022/23-დან 2027/28 სათამაშო წლის ბოლომდე განახორციელებს.

აღნიშნული პერიოდის განმავლობაში პრემიერლიგა ორ მილიარდ გირვანქა სტერლინგს მიიღებს. აღნიშნული თანამშრომლობა 2015 წელს დაიწყო, როდესაც მხარეები ექვსწლიან კონტრაქტზე შეთანხმდნენ და ინგლისელებმა 740 მილიონი მიიღეს.

ასევე, 2021 წლის მაისში პრემიერლიგამ 4.7 მილიონი ღირებულების სამწლიანი კონტრაქტი გააფორმა Sky Sports-თან, BT Sport-თან, Amazon Prime Video-სა და BBC Sport-თან.