უელსის ეროვნული ნაკრების და მადრიდის "რეალის" შემტევი გარეტ ბეილი ტრავმირებულია და უახლოეს მატჩებში "სამეფო კლუბს" ვერ დაეხმარება. როგორც გამოცემა COPE იუწყება, ფეხბურთელმა ფეხის კუნთის დაზიანება ბელარუსთან მოგებულ (5:1) შეხვედრაში მიიღო და ორი-სამი კვირის განმავლობაში სარეაბილიტაციო პერიოდს გაივლის.
ბეილმა მიმდინარე სეზონში მხოლოდ სამ შეხვედრაში მიიღო მონაწილეობა, რადგან მუხლის ტრავმა ჰქონდა. მცირე სათამაშო დროის მონაკვეთში უელსელმა ერთი გოლის გატანა შეძლო.
