საქართველოს მორაგბეთა ნაკრები იტალიის ნაკრებთან ტესტ-მატჩს ჩაატარებს. როგორც იტალიური გამოცემა Onrugby.it იტყობინება. „აძურამ“ უკვე გაწერა 2022 წლის ტესტ-მატჩების განრიგი და ამის მიხედვით დააანონსდა საქართველოსთან შეხვედრა.
იტალია ზაფხულის ტესტ-მატჩებში საქართველოში ჩამოვა. საზაფხულო ტურნეში იტალია საქართველოს გარდა, სტუმრად რუმინეთის ნაკრებსაც დაუპირისპირდება. შეხვედრა 2022 წლის ივნისში უნდა გაიმართოს, ჯერჯერობით, ზუსტი თარიღი უცნობია.
საქართველოს ნაკრებს იტალიასთან აქამდე ორჯერ უთამაშია - 2003 წელს აპენინელებმა 31:22 მოიგეს, ხოლო 2018 წელს, ფლორენციაში გამარჯვება ისევ იტალიამ მოიპოვა (28:17).
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ზედმეტ წნეხში არ უნდა მოვაქციოთ ჩვენი ნაკრები, მაგრამ მათ ყველაზე კარგად იციან რომ ეს თამაში მოსაგებია!!!
ოოო, ეს ის თამაშია რომელიც აუცილებლად უნდა მოვიგოთ. თუ არა და კაი ხანი გატრუნულებს მოგვიწევს ჯდომა, მძ**რნაჭამი ღორებივით )))
მართლა რა მაინტერესებს, ასეთ ინფოებს ყოველთვის სხვა ქვეყნის წყაროებიდან ვიგებთ ხოლმე, თუ დადასტურებულია, ესეიგი ჩვენს რაგბის კავშირთანაც შეთანხმებულია და რატომ არასდროს ამბობენ ხოლმე დროულად )))