NBA-ში მე-5 გამარჯვება მოიპოვა გოგა ბითაძის "ინდიანა პეისერსმა". ქართველი კალათბურთელის გუნდი სტუმრად დასავლეთ კონფერენციის ერთ-ერთ ლიდერ "იუტა ჯაზს" შეხვდა და 11-ქულიანი სხვაობით 111-100 აჯობა.

მთელი თამაშის განმავლობაში უპირატესობას სწორედ "პეისერსი" ფლობდა. საუკეთესო კი 28 წლის გამთამაშებელი - მალკომ ბროგდონი იყო, რომელმაც საკუთარ გუნდს 36:54 წუთში 30 ქულა, 9 მოხსნა და 3 პასი შესძინა. მეორე შედეგი კი ტი ჯეო მაკკონელს ჰქონდა. 25 წლის ამერიკელმა 21 ქულასთან ერთად, 8 მოხსნა და 5 პასიც შეასრულა.

აღსანიშნავია ისიც, რომ 6:25 წუთი ითამაშა გოგა ბითაძემ. ქართველმა ცენტრმა ხსენებულ დროში 2 ქულა და 2 მოხსნა გამოიმუშავა. მან ერთხელ ისროლა და ორქულიანი ჩააგდო. მან ასევე 2 პერსონალური ფოლის მიღებაც მოასწრო.

დამარცხებულთა გუნდიდან კი დონოვან მიტჩელი გამოურჩა, რომელსაც 26 ქულა, 5 მოხსნა და 4 შედეგიანი გადაცემა ჰქონდა, ხოლო რუდი გობერტმა 19 ქულით, 11 მოხსნითა და 1 დაფარებით ერთადერთი ორმაგი დუბლი შეასრულა.

ინდიანას 5 გამარჯვების საპირისპიროდ 8 მარცხი აქვს და აღმოსავლეთ კონფერენციაში მე-12 პოზიციზე იმყოფება. რიკ კარლაილის მომზადებული გუნდი შემდეგ შეხვედრას 14 ნოემბერს, "ფილადელფიას" წინააღმდეგ ჩაატარებს. ხოლო "იუტა ჯაზი" 8 მოგებითა და 4 მარცხით დასავლეთ კონფერენციის მე-3 ადგილზე იმყოფება, მომდევნო თამაშს კი 14 ნოემბერს "მაიამი ჰიტთან" გამართავს.

ეროვნულ საკალათბურთო ასოციაციაში დღეს კიდევ 2 შეხვედრა გაიმართა:

"ფილადელფია" - "ტორონტო რეპტორსი" 109:115

"ლოს ანჯელეს კლიპერსი" - "მაიამი ჰიტი" 112:109