ფორმულა 1-ის მექსიკის დიდი პრიზის საკვალიფიკაციო რბოლა ვალტერი ბოტასმა მოიგო, „მერსედესმა“ კი სტარტზე პირველი ორი ადგილი დაისაკუთრა. არადა ცნობილია, რომ მექსიკო სიტის ტრასა, რომელიც ზღვის დონიდან 2 285 მეტრზე მდებარეობს, სამქიმიანებისთვის ყველაზე მოუხერხებელია.
მხოლოდ მესამე ადგილს დასჯერდა ჩემპიონატის ლიდერი მაქს ფერსტაპენი, ვინც მექსიკური ეტაპის წინ, 12 ქულას უგებს მოქმედ ჩემპიონ ლუის ჰამილტონს. სტარტზე მას გვერდს თანაგუნდელი სერხიო პერესი დაუმშვენებს.
ბოტასმა თავისი საუკეთესო წრე პირველივე ცდაზე დააფიქსირა. მეორეზე კი მისი გაუმჯობესება ვერ შეძლო. თუმცა მეორე ცდა მის მეტოქეებსაც არ გამოუვიდათ და ძალაში პირველ ცდაზე ნაჩვენები შედეგები დარჩა. საბოლოოდ, ფინელმა თანაგუნდელს 0.145 წამით აჯობა.
მექსიკის დიდი პრიზი
კვალიფიკაცია
- ვალტერი ბოტასი (ფინეთი, მერსედესი) 1'15.875
- ლუის ჰამილტონი (ბრიტანეთი, მერსედესი) 0.145
- მაქს ფერსტაპენი (ჰოლანდა, რედ ბული) 0.350
- სერხიო პერესი (მექსიკა, რედ ბული) 0.467
- პიერ გასლი (საფრანგეთი, ალფატაური) 0.581
- კარლოს საინსი (ესპანეთი, ფერარი) 0.886
- დანიელ რიკარდო (ავსტრალია, მაკლარენი) 0.888
- შარლ ლეკლერი (მონკო, ფერარი) 0.962
- სებასტიან ფეტელი (გერმანია, ასტონ მარტინი) 1.871
- კიმი რაიკონენი (ფინეთი, ალფა რომეო) 2.083
- ანტონიო ჯოვინაცი (იტალია, ალფა რომეო) 2.415
- ფერნანდო ალონსო (ესპანეთი, ალპინი) 2.577
- ნიკოლას ლატიფი (კანადა, უილიამსი) 2.881
- მიკ შუმახერი (გერმანია, ჰაასი) 2.983
- ჯორჯ რასელი (ბრიტანეთი, უილიამსი) 2.297
- ნიკიტა მაზეპინი (რუსეთი, ჰაასი) 3.428
- ლანს სტროლი (კანადა, ასტონ მარტინი) 4.998
- იუკი ცუნოდა (იაპონია, ალფატაური) 1.283
- ლანდო ნორისი (ბრიტანეთი, მაკლარენი) 20.955
- ესტებან ოკონი (საფრანგეთი, ალპინი) 2.530
