„ბარსელონას“ ჩავი გაწვრთნის. ინფორმაცია „ალ-სადის“ ვებგვერდმა გაავრცელა, რომლის განცხადებაში წერია, რომ კლუბებს შორის შეთანხმება საბოლოოდ შედგა. ყატარელები დათანხმდნენ ახალგაზრდა სპეციალისტის გაშვებაზე და ჩავის წარმატებები უსურვეს.

„ალ-სადი“ დათანხმდა ჩავის ბარსელონაში წასვლა, მას შემდეგ, რაც გადახდილია კონტრაქტით გათვალისწინებული ვადამდელი წასვლის პუნქტის კომპენსაცია. ჩვენ ასევე შევთანხმდით მომავალში „ბარსელონასთან“ თანამშრომლობაზე. ჩავი „ალ სადის“ ისტორიის მნიშვნელოვანი ნაწილია და მას წარმატებებს ვუსურვებთ“, - წერს ყატარული გუნდის ვებგვერდი.

შეგახსენებთ, „ბარსელონამ“ რონალდ კუმანი ერთი კვირის წინ დაითხოვა და კლუბს დროებით სერხი ბარხუანი წვრთნის. ესპანელი სპეციალისტის დებიუტი მშობლიურ კლუბში მთავარი მწვრთნელის პოსტზე სავარაუდოდ, 20 ნოემბერს, „ესპანიოლთან“ დერბიში შედგა.