„მილანის“ მთავარი მწვრთნელი სტეფანო პიოლი სერია A-ში ოქტომბრის საუკეთესო მწვრთნელად დასახელდა. ინფორმაცია ლიგის ვებგვერდმა გაავრცელა.

ოქტომბერში „მილანმა“ იტალიის ჩემპიონატში ხუთი მატჩი ჩაატარა და ხუთივეში გამარჯვება მოიპოვა. „როსონერიმ“ გასულ თვეში „ატალანტა“, „რომა“, „ბოლონია“, „ტორინო“ და „ვერონა“ დაამარცხა.

„მილანმა“ სერია A-ს მიმდინარე სეზონი შესანიშნავად დაიწყო და 11 ტურში მოპოვებული 31 ქულით გათამაშებას „ნაპოლისთან“ ერთად ლიდერობს, მომდევნო შეხვედრას კი 7 ნოემბერს, „ინტერთან“ ჩაატარებს.