ყატარული „ალ-სადი“ ჩავის გუნდიდან გაშვების სანაცვლოდ „ბარსელონას“ კომპენსაციის სახით 5 მილიონ ევროს სთხოვს. ამის შესახებ Marca იტყობინება.
წყაროს თანახმად, მხარეებს შორის შეთანხმება ჯერჯერობით მიღწეული არ არის და ორივე კლუბის წარმომადგენლები მოლაპარაკებებს 5 ნოემბერს კიდევ გააგრძელებენ. ყატარელები ჯერ კიდევ უარს ამბობენ ჩავის დათმობაზე.
არადა, რამდენიმე საათის წინ Sport-ი წერდა, რომ ჩავის მწვრთნელად დანიშვნას „ბარსელონა“ სწორედ 5 ნოემბერს დაადასტურება. მოკლედ, ისევ სხვადასხვა ცნობები ვრცელდება და როგორც ჩანს, ჯერ არაფერი გარკვეულა. აღსანიშნავია, რომ „ბარსელონას“ კომპენსაციის სახით 12 მილიონ ევროს რონალდ კუმანიც სთხოვს.
შეგახსენებთ, ჩავის „ალ-სადთან“ კონტრაქტი 2023 წლის ზაფხულამდე აკავშირებს, „ბარსელონას“ კი დროებით სერხი ბარხუანი ხელმძღვანელობს.
