რუმინეთის ეროვნულ ნაკრებში „ფარულ კოსტანცას“ შემტევი ნახევარმცველი ენეს სალი გამოიძახეს. ამ ამბავში აღსანიშნავი ფეხბურთელის ასაკია - ის მხოლოდ 15 წლისაა.

ენეს სალი რუმინეთში ერთ-ერთ ყველაზე ნიჭიერ ფეხბურთელად მიიჩნევა და გეორგე ჰაჯისთან მუშაობს, რადგან ლეგენდარული რუმინელი სწორედ „ფარულის“ მთავარი მწვრთნელია.

სალიმ მიმდინარე სეზონში რუმინეთის უმაღლეს დივიზიონში 7 მატჩი ჩაატარა და 1 გოლი გაიტანა. ის კანადაშია დაბადებული, 2017-2019 წლებში „ბარსელონას“ აკადემიაში იყო, მაგრამ 2019 წელს სამშობლოში დაბრუნდა და თამაში გეორგე ჰაჯის აკადემიაში განაგრძო.

ენეს სალის ასევე უთამაშია რუმინეთის 16 და 17-წლამდე ნაკრებებში, ახლა კი ეროვნულ ნაკრებში უხმეს. ეს ჟესტი უფრო მეტად ავანსს და მოთამაშის დაბევებას ჰგავს, რადგან მას კანადაში თამაშიც შეუძლია. თუმცა, ფაქტია, რომ ძალიან ნიჭიერია და დიდ მომავალს უკავშირებენ.