„პარი სენ ჟერმენის“ ფეხბურთელმა ლიონელ მესიმ განაცხადა, რომ მისი და გუნდის მთავარი მიზანი ჩემპიონთა ლიგის მოგებაა. თუმცა, არგენტინელი ფიქრობს, კონკურენცია დიდია და ყოველთვის საუკეთესოები არ იმარჯვებენ.

„ჩემპიონთა ლიგის მოგება ჩემი და კლუბის მთავარი მიზანია. პსჟ ჩემპიონთა ლიგაზე ფსონს დიდი ხანია აკეთებს, გამარჯვებასთან ახლოსაც იყო. ჩვენ ტიტულის მოგების პრეტენდენტები ვართ, მაგრამ არა ერთადერთი. ყველა პსჟ-ზე ლაპარაკობს მისი შემადგენლობის გამო, თუმცა არიან სხვა კარგი გუნდები, რომელთა ფეხბურთელები ერთად მრავალი წლის განმავლობაში მუშაობენ. „მანჩესტერ სიტი“, „ბაიერნი“, „ლივერპული“, „ატლეტიკი“, „ჩელსი“ - ეს არის გუნდები, რომლებსაც ჩემპიონთა ლიგის მოგება შეუძლიათ. ყოველთვის საუკეთესო ვერ იმარჯვებს, რადგან ეს ბევრ დეტალსა და გარემოებაზეა დამოკიდებული. გამარჯვების გზაზე ყველაფერი შეიძლება მოხდეს, მთავარია, ერთ-ერთი კანდიდატი იყო“, - თქვა მესიმ.

შეგახსენებთ, „პარი სენ ჟერმენმა“ ჩემპიონთა ლიგაზე სამ ტურში 7 ქულა მოიპოვა, ხოლო მესიმ 3 გოლი გაიტანა. აღსანიშნავია, რომ არგენტინელს საფრანგეთის ჩემპიონატში ჯერ არც გოლი გაუტანია და არც საგოლე პასი გაუკეთებია.