„პარი სენ ჟერმენის“ ფეხბურთელმა ლიონელ მესიმ „ბარსელონას“ პრეზიდენტ ჟოან ლაპორტას უპასუხა, რომელმაც თქვა, რომ ელოდა, არგენტინელი კლუბში უფასოდ თამაშზე თანახმა იქნებოდაო.

თუმცა, მესის თქმით, ეს წინადადება მისთვის არავის შეუთავაზებია და ლაპორტას სიტყვებმა გული ატკინა.

„ბარსელონაში“ არავის შემოუთავაზებია უფასოდ თამაში. დავთანხმდი ხელფასის 50%-ით შემცირებას და მზად ვიყავი კლუბის მოთხოვნილებების დასაკმაყოფილებლად. პრეზიდენტ ლაპორტას სიტყვებმა გული მატკინა, ამას არ ვიმსახურებდი.

დაბრუნება? მე ყოველთვის ვამბობდი, რომ ჩემთვის სასიამოვნოა, როცა ხელმისაწვდომი ვარ და კლუბს ვეხმარები. მინდა ერთ მშვენიერ დღეს ტექნიკური დირექტორი ვიყო. არ ვიცი ეს „ბარსელონაში“ მოხდება თუ არა, მაგრამ მინდა, ჩემი წვლილის ისევ შეტანა“, - თქვა მესიმ.

შეგახსენებთ, ლიონელ მესი „ბარსელონადან“ პსჟ-ში ზაფხულში გადავიდა და პარიზელებთან 2-წლიანი კონტრაქტი გააფორმა. არგენტინელმა ფეხბურთელმა ფრანგულ გუნდში ჩემპიონთა ლიგაზე 3 გოლი გაიტანა, ლიგა 1-ში კი ჯერ თავი არ გამოუჩენია და არც საგოლე პასი გაუკეთებია.