„მილანის“ მთავარმა მწვრთნელმა სტეფანო პიოლიმ „ბოლონიასთან“ (4:2) გამარჯვების შემდეგ კომენტარი გააკეთა. „როსონერიმ“ მეტოქესთან შედარებით ორკაციანი რიცხობრივი უპირატესობა ჰქონდა, ხოლო როცა „ბოლონია“ მოედანზე 10 ფეხბურთელით იყო, მეტოქეს 2 გოლი გაუტანა და ანგარიშიც გაათანაბრა. პიოლი სწორედ მეორე ტაიმის დასაწყისიტ დარჩა უკმაყოფილო.

„ბრძოლა მოგვიწია, რადგან შეცდომა დავუშვით და ჩავთვალეთ, რომ თამაში დასრულებული იყო, როდესაც 2:0-ს ვიგებდით. საბედნიეროდ, გამძლეობა გამოვავლინეთ და მოგება შევძელით. პირველ ტაიმში „მილანმა“ შესანიშნავი თამაში აჩვენა, ბევრი სახიფათო მომენტი გვქონდა, მაგრამ შესვენების შემდეგ ჩვენი დამოკიდებულება მცდარი იყო. მნიშვნელოვანი გამარჯვება მოვიპოვეთ.

გასაგებია, რომ ჩემპიონთა ლიგის შემდეგ ადვილი არ არის იმ გუნდების წინააღმდეგ თამაში, რომლებსაც მოსამზადებლად მთელი კვირა ჰქონდათ, მაგრამ ამ გამოცდილებიდან ვისწავლეთ“, - თქვა პიოლიმ.

შეგახსენებთ, „მილანს“ 25 ქულა აქვს და სატურნირო ცხრილისთვის ამ დროისთვის ლიდერობს. საინტერესოა, რომ „როსონერიმ“ სეზონის საწყის 9 ტურში 8 გამარჯვების მოპოვება ისტორიაში მეორედ და 1954 წლის შემდეგ პირველად მოახერხა.