მილანის „ინტერის“ გენერალურმა დირექტორმა ჯუზეპე მაროტამ ფიფა გააკრიტიკა, რომელსაც მსოფლიოს ჩემპიონატის ყოველ ორ წელიწადში ერთხელ ჩატარება სურს. გარდა ამისა, მან კომენტარი სუპერლიგასა და შიდა ჩემპიონატებში გუნდების რაოდენობის შემცირებაზე გააკეთა.

„სუპერლიგა განგაშის, სასოწარკვეთის ნიშანია, რომ კლუბებს კონკურენტუნარიანობის შენარჩუნება სურთ, უბრალოდ მოდელი უნდა გადაიხედოს. კოვიდი და ვალები კლუბებს ახრჩობს.

2024 წელს ჩემპიონთა ლიგის კალენდარი შეიცვლება, ფიფას მსოფლიოს ჩემპიონატის ყოველ ორ წელიწადში ჩატარება სურს და მატჩების რაოდენობა 100-მდე გაიზრდება. თუ ორი თვით ფეხბურთელი უნდა წაიყვანო, ჩვენ ხელფასი რატომ უნდა გადავუხადოთ? მსოფლიოს ჩემპიონატის ყოველ ორ წელში ჩატარების წინააღმდეგი ვარ, ეს გაზრდის ფეხბურთელების ტრავმის რისკს. აუცილებელია ჩემპიონატებში გუნდების რაოდენობა 20-დან 18-მდე შემცირდეს“, - თქვა მაროტამ.