მადრიდის „ატლეტიკოს“ მთავარმა მწვრთნელმა დიეგო სიმეონემ „ლივერპულთან“ მატჩის დასრულების შემდეგ იურგენ კლოპს ხელი არ ჩამოართვა. ეს კამერებმაც დააფიქსირა და თამაშის შემდეგ გერმანელმა სპეციალისტმაც დაადასტურა.
„სიტუაცია აშკარაა, მინდოდა ხელის ჩამორთმევა. შემდეგ ჯერზე, როცა ერთმანეთს ვნახავთ, ხელს ერთმანეთს აუცილებლად ჩამოვართმევთ. ის აშკარად გაბრაზებული იყო, მაგრამ არა ჩემზე, არამედ თამაშზე. სხვა არაფერია.
რთული თამაში იყო, მაგრამ ამას ველოდით. შეხვედრის დასაწყისში საოცრად ვითამაშეთ, ორი შესანიშნავი გოლი გავიტანეთ და მართლაც კარგი ფეხბურთი ვაჩვენეთ. მეორე ტაიმიც კარგად ჩავატარეთ რთულ მატჩში, რომელიც ორივე გუნდისთვის დაძაბული იყო“, - თქვა კლოპმა.
შეგახსენებთ, რომ „ლივერპულს“ სამი ტურის შემდეგ 9 ქულა აქვს და ჯგუფიდან პრაქტიკულად გასულია, ხოლო „ატლეტიკო“ 4 ქულით მეორე-მესამე ადგილებს „პორტუსთან“ ერთად იყოფს.
