ტაისონ ფიურიმ ლას ვეგასის T-მობაილ არენაზე, ბრძოლის მე-11 რაუნდში დეონტეი უაილდერს ნოკაუტი აგემა და WBC-ს მძიმე წონის ტიტული შეინარჩუნა. ნოკაუტი რომ არა, ბრიტანელი ისედაც ქულებით სჯობდა თავის ამერიკელ ოპონენტს და გამარჯვება მაინც მას დარჩებოდა.

უაილდერმა თავისი ტიტულის რამდენჯერმე წარმატებით დაცვის შემდეგ, WBC-ს სარტყელი სწორედ ფიურისთან წაგების შემდეგ, 20 თვის წინათ დათმო. მათი პირველი დაპირისპირება ფრედ დასრულდა. უაილდერს რემატჩის უფლება ჰქონდა და მან ეს უფლება გამოიყენა.

არადა თავიდან უაილდერმა შეუტია, ვინც ჯებით კარგად მუშაობდა და მასზე მაღალსა და მძიმე ფიურის, უკან დახევას აიძულებდა. და ყოველი შესაძლებლობისთანავე, ის თავისი მძიმე მარჯვენა ხელის გამოყენებას ცდილობდა. ფიურიმ შეტევებს გაუძლო და მეტოქეს მესამე რაუნდში, ცაციათი კარგად შესრულებული აპერკოტით, ნოკდაუნი აგემა.

მაგრამ მეოთხეში უაილდერმა ჩემპიონი ორჯერ დასცა. ორივეჯე მან ახლო ბრძოლაში შესვლა შეძლო და მეტოქეს თავში ძლიერად უთავაზა. ფიური, ისევე როგორც პირველ ბრძოლაში, რომლის მე-12 რაუნდში უაილდერმა დასცა, უპირატესობას დაეუფლა.

მე-10 რაუნდში ამერიკელი კიდევ ერთხელ დაეცა. მომდევნო რაუნდში კი შეტევა მეტოქის თავში მძიმე დარტყმით დააგვირგვინა, რამაც ამერიკელი პირქვე დასცა. რეფერიმ ბრძოლა აქ შეწყვიტა. ბრძოლის შეწყვეტის მომენტში, ფიური (31-0-1) სამივე მსაჯის ბარათზე წინ იყო და უაილდერს (42-2-1, 41 ნოკაუტი) მხოლოდ მისი მარჯვენის იმედი თუ შეიძლებოდა ჰქონოდა.

„დიდი ბრძოლა იყო. გამართვად ღირდა. დეონტეი უაილდერი უმაღლესი კლასის მოკრივეა. მან კარგი გამოცდა მომიწყო. ყოველთვის ვამბობდი, რომ საუკეთესო ვარ და ის მეორე საუკეთესოა“, - განაცხადა ჩემპიონმა.