ნორვეგიის ნაკრებს უახლოეს ორ შეხვედრაში, თურქეთისა და მონტენეგროს ნაკრებების წინააღმდეგ ერლინგ ჰოლანდი ვერ დაეხმარება. ამის შესახებ ინფორმაცია ნორვეგიელმა ფორვარდმა თავად გაავრცელა.
„ეროვნულ ნაკრებში მომდევნო მატჩებში ვერ ვითამაშებ. ბოდიშს გიხდით. ნებისმიერ შემთხვევაში ნორვეგიას წარმატებებს ვუსურვებ“, - დაწერა ერლინგმა სოციალურ ქსელში.
შეგახსენებთ, რომ ნორვეგიის ნაკრები 2022 წლის მსოფლიოს ჩემპიონატზე გასასვლელად იბრძვის და უახლოესი ორი მატჩი თურქეთისა და მონტენეგროს ნაკრებების წინააღმდეგ მისთვის ძალიან მნიშვნელოვანია.
