მარიამ ბოლქვაძემ ჩიკაგოს ტურნირის ძირითად ბადეში მოხვედრა ვერ მოახერხა. ქართველმა ჩოგბურთელმა კვალიფიკაციის ფინალი რუს ანა კალინსკაიასთან უშანსოდ წააგო.

შეხვედრა საათსა და 2 წუთს გაგრძელდა და მარიამმა მხოლოდ 3 გეიმი მოიგო. საბოლოოდ, რუსმა ჩოგბურთელმა 6:2, 6:1 იმარჯვა და ძირითად ბადეში თავად გავიდა.

აქვე გეტყვით, რომ მარიამმა ჩიკაგოს ტურნირის კვალიფიკაციის ტურნირის ნახევარფინალში ბარბარა გატიცა დაამარცა.