კატალონიის „ბარსელონას“ პრეზიდენტმა ჟოან ლაპორტამ კლუბის გულშემატკივრებს სპეციალური ვიდეოთი მიმართა. როგორც მან ფანებს მოუწოდა, ახლა „ბარსას“ მათი გვერდში დგომა სჭირდება და კლუბის ხელმძღვანელობამ იცის რა უნდა გააკეთოს რთული პერიოდის დასაძლევად.

„გთხოვთ, რომ გააგრძელოთ ჩვენი გუნდის გულშემატკივრობა. ფეხბურთელებს სჭირდებით თქვენ და თქვენი ძალიან მადლობელი ვართ. იცით, რომ რთულ პერიოდს გავდივართ და ამ რთულ მომენტებში თქვენ უნდა იყოთ ჩვენს გვერდით. შეგიძლიათ დარწმუნებული იყოთ, ჩვენი გუნდი „კადისთან“ გამარჯვებას ეცდება. არ ვიცი, რა მოხდება, მაგრამ რაც უნდა მოხდეს, „ლევანტესთან“ მომდევნო საშინაო მატჩში გააგრძელეთ ჩვენი გუნდის მხარდაჭერა. გუნდს ეს სჭირდება და ეცადეთ სიმშვიდე შეინარჩუნოთ. ჩვენ ვიცით, რა უნდა გაკეთდეს. ყველა პრობლემას პრობლემას მოვაგვარებთ“, - ამბობს მიმართვაში ლაპორტა.

შეგახსენებთ, „ბარსელონას“ 4 თამაშში 8 ქულა აქვს მოპოვებული, ხოლო ჩემპიონთა ლიგაზე „ბაიერნთან“ 0:3 დამარცხდა.