„ნაპოლის“ მთავარმა მწვრთნელმა, ლუჩანო სპალეტიმ, სერია A-ს მე-4 ტურის მატჩში „უდინეზესთან“ გამარჯვების შემდეგ (4:0), ჟურნალისტებს თავისი აზრი გაუზიარა.

„ძალიან მახარებს ჩემი გუნდის თამაში. ფეხბურთელების ინდივიდუალური თვისებები, რომლებსაც ისინი ავლენენ. მართალია, სეზონი ახლა დაიწყო, მაგრამ გუნდს აქვს ხარისხი.

შესაძლოა, რამდენიმე ისეთი ფეხბურთელი გვაკლია, რომლებიც შეცვლაზე შევლენ მინდორზე და ხანგრძლივად მაღალი დონის შენარჩუნების საშუალებას მოგვცემენ.“ - ციტირებს სპალეტის სიტყვებს DAZN.

სპალეტის „ნაპოლიმ“ ახალდაწყებული სეზონის ოთხივე მატჩი მოიგო და 12 ქულით გათამაშების ცხრილში პირველ ადგილზეა.

შეგახსენებთ, რომ იტალიელმა სპეციალისტმა „ნაპოლისთან“ ორწლიანი კონტრაქტი წლეულს მაისში გააფორმა. ამ პოსტზე მან ჯენარო გატუზო შეცვალა.