საფრანგეთის ლიგა 1-ის მეექვსე ტურში პსჟ-მ „ლიონი“ მაურო იკარდის ბოლო წუთზე გატანილი გოლით 2:1 დაამარცხა, მაგრამ ეს მატჩი ყურადღების ცენტრში მაინც სხვა ფაქტით მოექცა.

76-ე წუთზე, როცა ანგარიში 1:1 იყო და პარიზელებს გოლი გასატანი ჰქონდათ, მაურისიო პოჩეტინომ ლიონელ მესი შეცვალა! არგენტინელ ვარსკვლავს თანამემამულის გადაწყვეტილება გაუკვირდა და ეს მას სახეზეც შეეტყო. მესი პოჩეტინოსთვის ხელის ჩამორთმევასაც არ აპირებდა, სანამ მასთან თვითონ მწვრთნელი არ მივიდა...

პსჟ „ლიონთან“ აგებდა, მაგრამ 66-ე წუთზე ნეიმარმა გაათანაბრა. პენალტით, რომელიც მან დაარტყა და არა ლიონელ მესიმ, რომელიც მინდორზე იყო.

„პარი სენ ჟერმენს“ 6 ტურში 18 ქულა აქვს და ლიგა 1-ს დიდი უპირატესობით ლიდერობს.