ეგვიპტის ეროვნული ნაკრების შემტევი მოჰამედ სალაჰი გულშემატკივრებმა გამოკითხვის შედეგად „ლივერპულის“ აგვისტოს საუკეთესო ფეხბურთელად დაასახელეს. აღნიშნული ინფორმაცია „მერსისაიდელების“ ოფიციალურმა ვებგვერდმა გაავრცელა.

გასულ თვეში აფრიკელმა მოთამაშემ სამი მატჩი ჩაატარა და თავი ორ-ორი გოლით და საგოლე გადაცემით გამოიჩინა. „ჩელსისთან“ ფრედ დასრულებულ (1:1) მატჩში სალაჰმა ერთი გოლი გაიტანა, ხოლო „ნორვიჩთან“ მოგებულ (3:0) შეხვედრაში ერთხელ აიღო მეტოქის კარი და ორი საგოლე გადაცემა მიითვალა.