„ვალენსიას“ მეკარე იასპერ სილესენი უკმაყოფილო და იმედგაცრუებულია თავისი მდგომარეობით. როგორც Marca იტყობინება, ორშაბათს, ნიდერლანდელი მეკარე მთავარ მწვრთნელ ხოსე ბორდალასს ესაუბრა.
სილესენი იმედოვნებდა, რომ „ოსასუნასთან“ მატჩში ძირითად შემადგენლობაში ითამაშებდა, მაგრამ ასე არ მოხდა და მან მწვრთნელთან შეხვედრა მოითხოვა. გავლენიანი მადრიდული გამოცემის თანახმად, ბორდალასს ჯერ კიდევ არ სურს სილესენის დაკარგვა და გამოცდილი მეკარე დაარწმუნა, რომ სიმშვიდე შეინარჩუნოს.
აღსანიშნავია, რომ სილესენის კარიერაში ერთადერთი შემთხვევა, როცა ზედიზედ სამი მატჩი ტექნიკური გადაწყვეტილების გამო გამოტოვა, გასული სეზონის სტარტზე იყო. ცხადია, ეს არ ეხება „ბარსელონას“ პერიოდს, სადაც ის სათადარიგო კიპერი იყო. იასპერი არ კარგავს იმედს, რომ კვირას მადრიდის „რეალთან“ ითამაშებს, მაგრამ იმავე Marca-ს ცნობით, „სამეფო კლუბის“ წინააღმდეგ ისევ გიორგი მამარდაშვილი ითამაშებს და ბორდალასი ამ ეტაპზე არ გეგმავს მეკარის შეცვლას.
შეგახსენებთ, რომ გიორგი მამარდაშვილმა ლა ლიგის განვლილ ოთხივე ტურში ითამაშა, ორჯერ კარი მშრალად შეინახა და მხოლოდ ორი გოლი გაუშვა. „ვალენსიამ“ კი ამ ოთხ მატჩში 10 ქულა მოიპოვა, ხოლო 19 სექტემბერს, „მესტალიაზე“ მადრიდის „რეალს“ უმასპინძლებს.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ააეეე ფედერაციაა!!! კანტორააა!
შერიფის თამაშს თუ უყურებთ? ანგარიშს არა, თამაშსსს?
გაუჭირდება კონკურენცია რომელია, ძალიან გაუჭირდება. ვალენსიამ თუ არ გაყიდა სილესენი, გიორგის ვარჯიშებზე და ყოველდღიურობაში ექნება სერიოზული დაძაბულობა და სტრესი, რაც დადებითად არ აისახება მის გამოსვლაზე. გიორგი უნდა გაუძლო, ცხოვრება ეგეთია, სულ ბრძოლა და ბრძოლა. მეკარეს ძლიერი ფსიქიკა უნდა ქონდეს, ზოგადად მგონია რომ მეკარეებს სტანდარტული ფსიკიკა თუ აქვთ ვერ გამოდგებიან, ამპარტავნები და საკუთარ თავში დარწმუნებულები უნდა იყვნენ.
მე პირადა მგონი რომ მამარდაშვილს ძალიან გაუჭირდება კონკურენცია სილესენთან და თუ გაქაჩა პირველ მეკარედ ეს იქნება უდიდესი წარმატება
ასევე უნდა ვთქვა რომ ვალენსიას ყველა თამაშს ვუყურე და მაგალითად ამ კლუბში ხვიჩა კვარაცხელიას დონის ფეხბურთელი (თუ დაც ახალგაზრდა, ან თუნდაც არც ისე ახალგაზრდა) ვერ ვნახე! როგორ შეიძლება ხვიჩა უკვე არ ბრწყინავდეს თუნდაც პრიმერა დივიზიონში?
სამაგიეროდ რუსეთის ბიუჯეტის, ანუ КГБ-ს ვითომ კლუბი, ანუ "რუბინი" ყველანაირად ეცდება ჩვენს მთავარ ვარსკვლავს კარიერა გაუფუჭოს და არამც და არამც არ ათამაშოს უმაღლეს დონეზე!
ვალენსია ნამდვილი კლუბია, რომლის პატრონსაც შედეგი აინტერესებს და რათქმაუნდა მამარდაშვლს ყველანაირად შეუწყობს ხელს განვითარებაში!
ხო მაგრამ მოგებული შემადგენლობის მერე არ მგონია შეცვალოს რამე... რეალთან თუ შეცდომები გაუშვა სავარაუდოდ მერე შეცვლის
რატომღაც მგონია ან რეალთან აღარ იქნება უკვე ძირითადში ან რეალის მომდევნო ტურში.