„პარი სენ-ჟერმენის“ ნიდერლანდელმა ნახევარმცველმა, ჟორჟინიო ვეინალდუმმა, ჟურნალისტებს განუმარტა რატომ აირჩია პარიზული კლუბი.

„ძალიან ამბიციური პროექტია და პარიზში გადმოსვლის ერთ-ერთი მთავარი მიზეზიც ეს არის. ყველ;ა ჩემპიონთა ლიგის მოგებაზე ლაპარაკობს, მაგრამ მე აქ მხოლოდ ამ ტურნირზე გასამარჯვებლად არ მოვსულვარ.

გასაგებია, ჩემპიონთა ლიგა რთული ტურნირია და კლუბს ის ჯერ არ მოუგია. ეს სიტუაცია „ლივერპულისას“ მაგონებს, რიმელსაც პრემიერლიგა დაარსების დროიდან არ მოეგო და ეს მათი ქომაგებისთვის აკვიატებულ აზრად იქცა. მგონია, რომ აქაც ასეა.

თუმცა სხვა ტურნირების იგნორირებაც არ შეიძლება. რა არის ჩემპიონთა ლიგა? 13 მატჩი. ამიტომ მინდა ვითამაშო გუნდში, რომელიც ყველაფერს მოიგებს, როგორც ამას პეპ გვარდიოლას დროინდელი „ბარსელონა“ აკეთებდა.“ - ციტირებს 30 წლის ნიდერლანდელის სიტყვებს L’Équipe.