ავტოსპორტი

3:26 | 14.09.2021 | ნანახია [] - ჯერ

კიმი რაიკონენი ბრუნდება

კიმი რაიკონენი სარბოლო ტრეკს სოჭის რბოლაში დაუბრუნდება. მსოფლიოს 2007 წლის ჩემპიონმა კორონავირუსი მოირჩინა და დიდი ალბათობით, „ალფა რომეოს“ მანქანით კვლავ იასპარეზებს.

ფინელმა პილოტმა, ვისაც დაავადება ჰოლანდიის დიდი პრიზის კვალიფიკაციის წინ დაუფიქსირდა, წინა ორი ეტაპი გააცდინა. მისი მანქანით კი გუნდის სარეზერვო პილოტმა, პოლონელმა რობერტ კუბიცამ იასპარეზა. მან ზანდფოორტზე რბოლა მე-15 ადგილზე დაასრულა, მონცაზე კი მე-14 ადგილი დაიკავა.

კუბიცამ მონცას რბოლის შემდეგ განაცხადა, რომ დიდი ალბათობით, სოჭში საჭესთან ისევ რაიკონენი დაჯდება. თავად კი სპაში გაემგზავრება, სადაც ELMS-ს (ევროპული ლე მანის სერია) რბოლაში მიიღებს მონაწილეობას. კუბიცა ამ სერიაში, თანაგუნდელებთან ერთად, ტიტულისთვის იბრძვის.

„თავს კარგად ვგრძნობ, შემდეგ დიდ პრიზზე შევხვდებით“, - სოციალურ მედიაში დაწერა რაიკონენმა, ვინც ამ სეზონის ბოლოს, ფ1-ში კარიერას დაასრულებს.

0.150957